महाराष्‍ट्राच्‍या जवानाला हेरगिरीप्रकरणी अटक, पाकला देत होता गुप्‍त माहिती

0
8

फिरोजपूर- पाकिस्तानच्या ‘आयएसआय’या गुप्तहेर संघटनेच्या एजंटला सीमेवरील कुंपण आणि रस्ते यांच्या छायाचित्रांसारखी गोपनीय माहिती पुरवल्‍याप्रकरणी सीमा सुरक्षा दलाच्या (बीएसएफ) जवानाला अटक करण्यात आली आहे. शेख रियाझुद्दीन असे त्याचे नाव आहे. तो महाराष्ट्राच्या लातूर जिल्ह्य़ातील रेणापूरचा रहिवासी आहे. पंजाबमधील फिरोझपूर सेक्टरमध्ये ‘बीएसएफ’च्या २९व्या बटालियनमध्ये तो तैनात होता

मागील काही महिन्यांपासून रियाझुद्दीन याच्या हालचाली संशयास्पद वाटल्याने त्यावर ‘बीएसएफ’ची नजर होती. हेरगिरीबाबत खात्रीलायक पुरावा मिळाल्यानंतर पोलिसांनी त्याला अटक केली. दोन मोबाईल फोन आणि सात सीम कार्ड त्याच्याकडून जप्त करण्यात आली. रियाझुद्दीनने सीमेवरील कुंपण व रस्ते, ‘बीएसएफ’च्या वरिष्ठ अधिकाऱ्यांचे संपर्क क्रमांक आणि इतर काही गुप्त माहिती ‘आयएसआय’चा एजंट मिर्झा फैजल याला दिल्याचा आरोप आहे.